Bakıda kobud qayda pozaraq özünü başqalarından üstün tutmağa çalışan daha bir sürücü peyda olub. Avtosfer.az-a sürücülərdən biri tərəfindən göndərilən video yanvarın 3-də, saat 15:50 radələrində Atatürk prospektində çəkilib. Atatürk prospekti ilə hərəkət edən avtomobil üstünlüyə malik olsa da, “Hyundai” markalı, 90 TB 827 dövlət nömrə nişanlı avtomobilin sürücü Əcəmi Naxçıvanı küçəsinə, yəni sola dönərkən ona yol verməyib. Yol verməmək bir yana, gəldiyi sürətlə onun yolunu kəsərək saymazyana şəkildə sağdakı yanacaqdoldurma məntəqəsinə daxil olub.

Qaydalara görə, nizamlanmayan yolayrıcına daxil olarkən sürücü özündən sağdakı nəqliyyat vasitələrinə yol verməlidir.