Misir hakimiyyəti Qəzza zolağında qaçqınlar üçün iki xüsusi düşərgə tikməyi planlaşdırır.
AZƏRTAC xəbər verir ki, bu barədə “Əl-Qahirə əl-İxbariyyə” telekanalı məlumat yayıb.
Məlumata görə, Misir hakimiyyəti artıq Qəzzanın cənub hissəsindəki Xan Yunis şəhəri yaxınlığında qaçqınlar üçün düşərgənin tikintisinə başlayıb. Bu düşərgə 4 minə qədər qaçqını qəbul edə biləcək və yaxın bir həftə ərzində tam hazır olacaq.
Daha bir çadır şəhərciyi Der əl-Bəlahın şimalında tikiləcək.
Bildirilib ki, hər iki düşərgə elektrik enerjisi, kanalizasiya sistemi və yaşayış üçün zəruri olan digər infrastrukturla təmin olunacaq.