https://azbaku.org/ ru Dünya - AzBaku.org DataLife Engine https://azbaku.org/index.php?newsid=21041 https://azbaku.org/index.php?newsid=21041
İran Prezidenti Məsud Pezeşkian parlamentin sədri Məhəmməd Baqir Qalibafa ünvanladığı məktubda Mehrdad Əxlaqini Müdafiə Nazirliyinə rəhbər vəzifəyə təklif edib.

M. Əxlaqi Müdafiə Nazirliyinin yüksək vəzifəli rəhbərlərindəndir.

O, bundan əvvəl İranın Müdafiə Sənayesi Təşkilatının (AIO / DIO) direktoru və Şəhid Baqiri Sənaye Qrupunun (SBIG) rəhbəri kimi vəzifələrdə çalışıb.

İranın raket proqramı və müdafiə sənayesindəki fəaliyyəti ilə əlaqədar olaraq ABŞ tərəfindən sanksiya siyahısına daxil edilib.]]> admin Mon, 05 Oct 2026 18:25:18 +0400 https://azbaku.org/index.php?newsid=21024 https://azbaku.org/index.php?newsid=21024
İranın Qərbi Azərbaycan vilayətinin Mahabad şəhərində məhkəmə binasının qarşısında atışma olub.

APA-nın Tehran bürosu Mahabad Polis Komandanlığına istinadən xəbər verir ki, atışma bu gün səhər baş verib. Məhkəmə binasının qarşısında baş verən silahlı atışma nəticəsində 1 nəfər güllə yarasından həyatını itirib, 4 nəfər isə yaralanıb.

İlkin araşdırmaların nəticələrinə görə, hadisə şəxsi münaqişə və qisas motivi ilə baş verib. Bildirilib ki, hücum edən şəxs övladının öldürülməsində iştirak etdiyini düşündüyü şəxsin ailə üzvlərinə odlu silahla hücum edərək atəş açıb.

Məlumata görə, atışmanı törədən şəxs polis əməkdaşları tərəfindən saxlanılıb, araşdırma davam etdirilir.]]> admin Sat, 03 Oct 2026 13:44:25 +0400 https://azbaku.org/index.php?newsid=21019 https://azbaku.org/index.php?newsid=21019
Rusiyanın Sverdlovsk vilayətində yerləşən "Çeryomuxovskaya-Qlubokaya" mədənində uçqun baş verib.

Bu barədə Sverdlovsk vilayəti prokurorluğunun mətbuat xidməti məlumat yayıb.

"Dağıntıların altından 1 nəfərin meyiti çıxarılıb", - məlumatda deyilir.

Uçqunun baş verdiyi ərazidə işlər müvəqqəti olaraq dayandırılıb.

Nəzarət tədbirlərinin gedişində prokurorluq dağ-mədən işlərinin aparılması zamanı təhlükəsizlik texnikası qaydalarına, eləcə də əməyin mühafizəsi tələblərinə riayət olunmasını qiymətləndirəcək.]]> admin Sat, 03 Oct 2026 10:11:23 +0400 https://azbaku.org/index.php?newsid=21012 https://azbaku.org/index.php?newsid=21012
Belarus Prezidenti Aleksandr Lukaşenko Ermənistanı Avropa İttifaqı (Aİ) bazarına yönəlməyə tələsməməyə və əvvəlcə indiki ixrac həcmini qoruyub saxlaya biləcəyini qiymətləndirməyə çağırıb.

Bu barədə o, Avrasiya Hökumətlərarası Şurasının iclasında iştirak edən hökumət nümayəndə heyətlərinin rəhbərləri ilə görüşündə bildirib.

"Əgər Avropa İttifaqına getmək qərarına gəlmisənsə, hara tələsirsən? Əvvəlcə dəqiq müəyyən et ki, konyakını, tərəvəz və meyvələrini kim alacaq və hansı həcmdə? Bu gün bizdə satdığını əvəz edə biləcəksənmi?", - Lukaşenko deyib.

O, həmçinin İrəvana Ermənistan məhsulları üçün avropalı alıcıların olduğuna əvvəlcədən əmin olmağı təklif edib.

"Əgər əmin oldunsa ki, Fransa öz konyakını qoyub sənin məhsulunu alacaq, o zaman get. Niyə tələsirsiniz? Arabanı atın qabağına niyə qoşursunuz?" - o qeyd edib.]]> admin Fri, 02 Oct 2026 15:27:53 +0400 https://azbaku.org/index.php?newsid=20992 https://azbaku.org/index.php?newsid=20992

İranın Sistan və Bəlucistan əyalətində keçirilən əməliyyat nəticəsində 6 silahlı öldürülüb.

Məlumatı İran mediası yayıb.

İran İnqilab Keşikçiləri Korpusunun (Sepah) yaydığı açıqlamaya əsasən, onlar bölgədə terror aktları həyata keçirməyi planlaşdırırmış.

Bildirilib ki, Sepahın "Qüds" qoşunu silahlılarının bölgədə əməliyyatı davam edir.]]> admin Thu, 01 Oct 2026 12:05:42 +0400 https://azbaku.org/index.php?newsid=20978 https://azbaku.org/index.php?newsid=20978
İsrail Müdafiə Ordusunun Baş Qərargah rəisi Eyal Zamir İsrail ordusunda döyüş hazırlığının yüksək səviyyədə olması ilə əlaqədar ABŞ-yə planlaşdırılan səfərini ləğv edib.

 Zamir ABŞ Mərkəzi Komandanlığının (CENTCOM) komandanı və ABŞ Silahlı Qüvvələrinin Birləşmiş Qərargah Rəisləri Komitəsinin sədri ilə görüşməli idi.

Tərəflər hərbi əməkdaşlığı, İran ətrafındakı vəziyyəti və digər təhlükəsizlik təhdidlərini müzakirə etməyi planlaşdırırdılar.

Lakin Zamir amerikalı həmkarlarına bildirib ki, hazırkı vəziyyət və bütün istiqamətlərdə döyüş hazırlığının yüksək səviyyədə olması nəzərə alınaraq İsraili tərk etməyi və tədbirləri uzaqdan idarə etməyi məqsədəuyğun hesab etmir.

"Eyni vaxtda həm orduya rəhbərlik etmək, həm də xaricə getmək qeyri-mümkündür", - İsrail ordusunun Baş Qərargah rəisi bildirib.

Daha əvvəl Zamir döyüş hazırlığı səviyyəsini artırıb və təhlükəsizlik baxımından həssas dövr hesab olunan Tişrey bayramı ərəfəsində komandirlərə öz postlarında qalmaq barədə göstəriş verib.


]]> admin Wed, 30 Sep 2026 14:41:09 +0400 https://azbaku.org/index.php?newsid=20970 https://azbaku.org/index.php?newsid=20970
İtaliya sonuncu hərbçilərinin İraqdan çıxarılmasını başa çatdıraraq bu ölkədə 12 illik hərbi mövcudluğuna son qoyub.

Bu barədə İtaliya Müdafiə Nazirliyinin bəyanatında deyilir.

Məlumata görə, 2026-cı ilin mart ayınadək Roma İraq Kürdüstanındakı hərbi bazaya gecə endirilən hava zərbəsindən sonra hərbi personalının böyük hissəsini İraqdan artıq çıxarmışdı.

İtaliyalı hərbçilər "İslam Dövləti" terror təşkilatına qarşı ABŞ-nin rəhbərlik etdiyi "Sarsılmaz qətiyyət" beynəlxalq əməliyyatında, həmçinin NATO-nun İraqdakı missiyasında iştirak ediblər. Sonuncu missiya konsultativ xarakterli idi və İraq təhlükəsizlik qüvvələrinin hazırlanmasına və potensialının artırılmasına yönəlmişdi.

İtaliya Müdafiə Nazirliyinin bəyanatına əsasən, İtaliya və NATO qüvvələri qoşunların bu bölgədən çıxarılmasını sentyabrın 30-dək başa çatdırmaqla bağlı yerli hakimiyyət orqanları ilə razılığa gəliblər.

İtaliyanın müdafiə naziri Qvido Krosetto bildirib ki, qoşunların çıxarılmasının başa çatması İraqın öz təhlükəsizliyini təmin etmək üçün daha çox məsuliyyət daşıması deməkdir.]]> admin Tue, 29 Sep 2026 18:22:26 +0400 https://azbaku.org/index.php?newsid=20969 https://azbaku.org/index.php?newsid=20969
“Düşmənlər”in seçkiqabağı İsrailə hücum etməyə çalışacağına dair əlamətlər var.

“Ynet”in xəbərinə görə, bunu İsrailin Baş naziri Benyamin Netanyahu deyib.

O, Hərbi Hava Qüvvələrinə məxsus bazanı ziyarət edib və ölkəsinə hücum etməməklə bağlı “düşmənlər”ə xəbərdarlıq edib.

“Bizim uzun qollarımız istənilən vaxt, istənilən yerdə sizə çatacaq. Möhtəşəm nailiyyətlərimizi itirməyimiz üçün bizə böyük təzyiq göstərilir. Mən buna imkan verməyəcəyəm”, - Netanyahu vurğulayıb.

Qeyd edək ki, İsraildə parlament seçkiləri oktyabrın 27-də keçiriləcək.]]> admin Tue, 29 Sep 2026 17:52:19 +0400 https://azbaku.org/index.php?newsid=20957 https://azbaku.org/index.php?newsid=20957

Hindistanın Uttar Pradeş ştatında baş verən daşqınlarda ölənlərin sayı 81 nəfərə çatıb.

2200-dən çox evə ziyan dəyib, 81 hektarlıq əkin sahəsi isə su altında qalıb.

***

Hindistanın Uttar Pradeş ştatında baş verən daşqınlar nəticəsində 62 nəfər ölüb.

Bu barədə “ABC News” yerli rəsmilərə istinadən xəbər verib.

Daha 46 nəfərin isə xəsarət aldığı qeyd olunub.

3 gündən çox davam edən leysan yağışların səbəb olduğu sel 1000-dən çox evi dağıdıb.

Ştat ərazisində məktəblərin fəaliyyəti dayanıb.

Bu gündən yağıntı miqdarının azalacağı gözlənilir.]]> admin Mon, 28 Sep 2026 17:17:44 +0400 https://azbaku.org/index.php?newsid=20954 https://azbaku.org/index.php?newsid=20954
Rusiya ordusunun sentyabrın 28-də Ukrayna paytaxtı Kiyevə reaktiv dron hücumları zamanı ölkənin Milli Elmlər Akademiyasının binasına da zərbələr endirilib.

"Report"un Şərqi Avropa bürosunun məlumatına görə, zərbələr yerli vaxtla 14:15 radələrində olub.

Kiyevin mərkəzində yerləşən Akademiyanın binasına zərbələrdən ölənlər və yaralananlar var. Sayları müəyyənləşdirilir.]]> admin Mon, 28 Sep 2026 15:52:57 +0400