https://azbaku.org/ ru AzBaku.org DataLife Engine https://azbaku.org/index.php?newsid=21004 https://azbaku.org/index.php?newsid=21004
Dünya bazarında "Azeri Light" markalı Azərbaycan neftinin 1 barelinin qiyməti 5,5 ABŞ dolları və ya 4,61 % artaraq 124,76 ABŞ dolları təşkil edib.

Bu barədə neft bazarındakı mənbə məlumat verib.

Hərracların nəticələrinə görə, "Brent" markalı neftin dekabr fyuçerslərinin qiyməti 127,11 ABŞ dolları təşkil edib.

Türkiyənin Ceyhan limanında FOB bazasında "Azeri Light" markalı Azərbaycan neftinin bir barelinin qiyməti 5,04 ABŞ dolları və ya 4,48 % artaraq 117,33 ABŞ dolları təşkil edib.

Azərbaycanın builki dövlət büdcəsində bir barel neftin orta qiyməti 65 ABŞ dollarından hesablanıb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda bu markadan olan neft "Azəri-Çıraq-Günəşli" (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 35,3 %-dir.]]> admin Fri, 02 Oct 2026 10:04:18 +0400 https://azbaku.org/index.php?newsid=21003 https://azbaku.org/index.php?newsid=21003
Bakıda, Heydər Əliyev Mərkəzində Yeni Azərbaycan Partiyasının (YAP) VIII Qurultayı keçirilir.

Azərbaycan Prezidenti, Yeni Azərbaycan Partiyasının Sədri İlham Əliyev tədbirdə çıxış edir.]]> admin Fri, 02 Oct 2026 09:52:59 +0400 https://azbaku.org/index.php?newsid=21002 https://azbaku.org/index.php?newsid=21002
Fövqəladə Hallar Nazirliyi (FHN) gözlənilən qeyri-sabit hava şəraiti ilə əlaqədar əhaliyə müraciət edib.

Müraciətdə deyilir:

"Milli Hidrometeorologiya Xidmətinin məlumatına görə, bu gündən başlayaraq yaxın günlər ərzində respublika ərazisində, o cümlədən Bakıda və Abşeron yarımadasında havanın qeyri-sabit keçəcəyi, intensiv yağış yağacağı, bəzi həssas yerlərdə lokal subasma, dağ çaylarında isə qısamüddətli sel və daşqın baş verəcəyi, şimşək çaxacağı və arabir güclü külək əsəcəyi proqnozlaşdırılır.

Qeyd olunanları nəzərə alaraq, Fövqəladə Hallar Nazirliyi müvafiq təhlükəsizlik qaydalarını bir daha xatırladır.

Belə ki, intensiv yağıntılarla əlaqədar bəzi çaylarda mümkün sel və daşqından, habelə subasmadan qorunmaq üçün təhlükəli ərazilərdən uzaq durmaq, belə təhlükə ilə üzləşdikdə dərhal yaxınlıqdakı yüksəkliyə qalxmaq, xilasedicilərin çağırış və tövsiyələrinə sözsüz əməl etmək lazımdır.

Eyni zamanda, ildırımla bağlı təhlükələrdən qorunmaq üçün ildırım çaxarkən elektrik cihazlarını şəbəkədən ayırmaq, telefonla (sabit şəbəkə, mobil telefon, taksofon və s.) danışmamaq, açıq havada olarkən elektrik xətti, ildırım ötürücüsü, navalça və antenaya yaxınlaşmamaq, hündür ağacların altında daldalanmamaq, avtomobildə olduqda isə hərəkəti dayandıraraq şüşələri qaldırıb ildırımın bitməsini gözləmək tövsiyə edilir.

Həmçinin, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur. Eləcə də güclü küləyin baş verən yanğınların söndürülməsi ilə əlaqədar yaratdığı çətinlikləri nəzərə alaraq, küləkli hava şəraitində yanğın təhlükəsizliyi qaydalarına xüsusilə ciddi riayət edilməlidir. Bundan başqa, kiçikhəcmli gəmi istifadəçiləri belə hava şəraitində dənizə çıxmağın qadağan olduğunu nəzərə almalıdırlar.

Unutmayın: Qaydalara biganəlik – həyatımıza təhlükədir! Təhlükə zamanı 112-yə zəng edin!".]]> admin Fri, 02 Oct 2026 09:14:05 +0400 https://azbaku.org/index.php?newsid=21001 https://azbaku.org/index.php?newsid=21001
Bakının Yasamal və Qaradağ rayonlarının bəzi ərazilərində təmir işləri ilə əlaqədar bu gün, oktyabrın 2-də elektrik enerjisinin verilişində müvəqqəti məhdudiyyət tətbiq olunacaq.

Bu barədə "Azərişıq" ASC məlumat yayıb.

Qeyd olunub ki, elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə Yasamal və Qaradağ rayonlarında bir sıra transformator məntəqələrində (TM) təmir işləri aparılacaq.

Məlumata görə, Yasamal Rayon Enerji Təchizatı və Satışı İdarəsinin (RETSİ) xidmət ərazisində yerləşən Abbas Mirzə Şərifzadə, Ayna Sultanova, İsfəndiyar Zülalov, Mirəli Seyidov, Ümid Əkbərov küçələri və Mətbuat prospektinin bir hissəsində saat 10:00-dan 13:00-dək elektrik enerjisinin verilişi məhdudlaşdırılacaq.

Qaradağ RETSİ-nin xidmət ərazisinə daxil olan Buta qəsəbəsinin bəzi ərazilərində isə saat 10:00-dan 12:00-dək elektrik enerjisinin verilişində qısamüddətli fasilə yaranacaq.

Təmir işləri yekunlaşdıqdan sonra həmin ərazilərdə abonentlərin daha keyfiyyətli və dayanıqlı elektrik enerjisi ilə təmin olunması nəzərdə tutulur.]]> admin Fri, 02 Oct 2026 08:53:21 +0400 https://azbaku.org/index.php?newsid=21000 https://azbaku.org/index.php?newsid=21000

Beynəlxalq koalisiya İraqda xidmətini başa vurub. ABŞ Suriyadan sonra qoşunlarını İraqdan da tamamilə çıxarır. Prezident Donald Tramp bunu "ABŞ-nin tarixi qələbəsi" adlandırıb. Onun bəyanatına əsasən, yekun mərhələdə ABŞ-nin 2500 hərbçisi İraqda qalmışdı. İndi isə İraqla ikitərəfli əməkdaşlıq inkişaf etdiriləcək.

ABŞ başda olmaqla koalisiya qüvvələri bu ölkəyə niyə daxil olmuşdu? 2001-ci il sentyabrın 11-də Nyu-Yorkda göydələnlərin partladılması ilə Ağ Ev hərbi sahəyə daha çox üstünlük verməyə başladı. Bu hadisədən qısa müddət sonra ABŞ-nin başçılığı altında beynəlxalq koalisiya qüvvələri Əfqanıstanda "Taliban" hakimiyyətini devirdi, hökumət başına dünyəviçilərin gəlməsinə şərait yaradıldı.

ABŞ-nin 43-cü prezidenti kiçik Corc Buş İraqa qarşı hərbi qüvvələrin tətbiq olunmasına icazə verən sərəncamı 2002-ci il oktyabrın 16-da imzalayıb. Bu sənəd ABŞ Konqresinin Nümayəndələr Palatası və Senat tərəfindən böyük səs çoxluğu ilə qəbul edilib.

ABŞ bu ölkəyə qoşunu aşağıdakı səbəblərdən yeritmişdi:

- İraqın ovaxtkı prezidenti Səddam Hüseyn rejiminin kimyəvi və başqa kütləvi qırğın silahlarına sahib olması;

- onun başçılıq etdiyi hakimiyyətin terrorizmə dəstək verməsi;

- İraqın BMT Təhlükəsizlik Şurasının qətnamələrini yerinə yetirməməsi.

Qərar imzalanandan 5 ay sonra 2003-cü il martın 19-da qoşunlar İraqa daxil olub. Həmin il aprelin 9-da koalisiya qüvvələri Bağdada girdi. Bununla da Səddam Hüseynin 24 illik hakimiyyətinə son qoyuldu. O, 2003-cü il dekabrın 13-də doğulduğu Tikrit şəhəri yaxınlığında ABŞ hərbçiləri tərəfindən həbs olundu. 3 il sonra İraq məhkəməsinin barəsində çıxardığı ölüm hökmünə əsasən, dar ağacından asıldı. Bununla da sovetlərdən qalma bir dövr bu ölkədə də başa çatdı.

Yeri gəlmişkən, S.Hüseyn 1979-cu ildə hakimiyyətə gəlmişdi. Həmin ildə Əfqanıstanda yeni sol, sovetyönlü qüvvələr, İranda isə inqilab baş vermiş, teokratik rejim hakimiyyətə gəlmişdi. Bu tarix təsadüfi sayılmır. Belə qənaətə gəlmək olar ki, bu üç ölkədə dəyişikliklərin eyni vaxtda baş verməsi regionda marağı olan güclərin fəaliyyətinin nəticəsi idi.

Səddam Hüseyn hakimiyyəti devrildikdən sonra İraq üçün İŞİD terror qruplaşması baş bəlasına çevrildi. ABŞ-nin liderliyi ilə beynəlxalq koalisiya 2017-ci ildə İraqda bu qruplaşmanın fəaliyyətinə son verdi.

Bu arada bəzi statistik məlumatlara da diqqət çəkmək istərdik; 2003-ci ilin əvvəlində koalisiya qüvvələrinin sayı 309 - 584 min nəfərə qədər olub. Onların əsas hissəsini ABŞ hərbçiləri (192-dən 466 min nəfər) təşkil edib. Son illər, 2026-cı ilin sentyabrına qədər amerikalı əsgər və zabitilərin sayı 2 500-ə qədər azaldıldı. Bu missiya çərçivəsində 23 ildə 4500 ABŞ hərbçisi ölüb.

ABŞ İraqda (Suriyadakı əməliyyatlar daxil olmaqla) hərbi əməliyyatlara və əlaqədar məsələlərə təxminən 2 - 2,9 trilyon dollar xərcləyib. Uzunmüddətli öhdəliklər və dövlət borcuna görə faizlər nəzərə alındıqda isə bu məbləğ 6 trilyon dolları keçə bilər.

Bu əməliyyatlarda kim nə əldə edib?

- İraq ərazi bütövlüyünü qoruyub saxlayıb;

- regionda Qərblə müttəfiq olub;

- təbii sərvətlərinin dünya bazarına çıxarmaq yenə tərəfkeşlər qazanıb;

- müasir silah və hərbi texnika ilə təchiz olunan ordu qurulub;

- ölkənin təriqətlər və etnik əsasda parçalanmasının qarşısı alınıb;

- daxili və xarici terrora qarşı mübarizə üçün müttəfiqlər qazanıb;

- İraqı parçalamaq istəyənləri məyus edib;

- İraqda yeni təhlükəsizlik sisteminin qurulmasına nail olub;

- ölkə terrorçuların təlim düşərgəsi və sığınacaqlarından qurtulmaq istiqamətində imkanlar əldə edib;

- yeni İraqın yaranması üçün fürsətlər qazanılıb və s.

ABŞ-nin 23 illik əməliyyatlar nəticəsində itkiləri olsa da, qazanacağı daha çoxdur. Hər şeydən öncə İraq kimi kabrohidrogenlə zəngin ölkəni tərəfdaş olaraq qazanıb. Bu həm də Yaxın Şərqdə ABŞ başda olmaqla Qərbin iqtisadi-ticarət əlaqəsi saxlaya biləcəyi etibarlı tərəfdaşlıq sayılır. Bu addım ABŞ-nin regionda nüfuzunun artmasına və möhkəmlənməsinə də təsir edə bilər. Bundan başqa, Türkiyə başda olmaqla region ölkələri qarşılıqlı əməkdaşlıq nəticəsində İraqın təhlükəsizliyinin təmin olunmasına töhfə verər. Bölgədə İraqla əməkdaşlıq iqtisadiyyatın inkişaf etməsinə, etnik-mədəni sahədə hüquqların təmininə yardım edər.

Bu proses İraqın qanunsuz silahlı qruplaşmalardan qurtulması üçün də şərait yaradar. Çünki İraqda bir-birinə qarşı olan qanunsuz silahlı dəstələr, təşkilatlar fəaliyyət göstərir. Bura İrana qarşı silahlı mübarizə aparan – Komilə, İran Kürdüstan Demokrat Partiyası, PJAK, İraqda Tehranın siyasi dini-ideologiyası istiqamətində fəaliyyət göstərən "Həşde-əş-Şəəbi", Türkiyənin ərazi bütövlüyü və təhlükəsizliyini təhdid edən keçmiş PKK terror qruplaşmasının qalıqları daxildir.

Məlumatlarda bu istiqamətlərdə razılaşmalar da əks olunub. Yaxın vaxtlarda bu razılaşmaların əməli nəticələrinin müşahidə ediləcəyi istisna olunmur.

Yeri gəlmişkən, 2026-cı il sentyabrın 30-da İraq Nazirlər Şurası "Xalq Səfərbərlik Qüvvələri"nin ("Həşd əş-Şəəbi") fəaliyyətinin tənzimlənməsinə dair rezonans doğuran qanun layihəsini təsdiqləyərək parlamentə göndərmişdi. Sənəd şiə silahlı qrupları birbaşa baş nazirin komandanlığı altında sərt hüquqi çərçivəyə daxil etməyi nəzərdə tutur.

İraqın Baş naziri Əli əz-Zeydi bildirib ki, silahın yalnız dövlət qurumlarının səlahiyyətində saxlanmasına və qanunsuz silahlı dəstələrin ləğvinə yönəlmiş genişmiqyaslı islahat başlanıb. Bu plana uyğun olaraq sentyabrın 30-dan başlayaraq 90 günlük atəşkəs rejimi tətbiq edilir. Bundan sonra mərhələli şəkildə silahların təhvil verilməsinə başlanılacaq. Qanundankənar silahlı birləşmələrin tam ləğvi və dövlət qurumlarına inteqrasiyasını 2027-ci il iyunun 30-dək başa çatdırmaq planlaşdırılır.

İraq hökuməti bu məqsədə nail olmaq üçün bir sıra tədbirlər həyata keçirir. Əvvəllər İraq partiyalarının koalisiyası qruplaşmalardan sentyabrın sonunadək qanunsuz silahları təhvil verməyi tələb etmişdi. Paralel olaraq, mülki dövriyyənin məhdudlaşdırılmasına dair qanun üzərində iş aparılır, buna əsasən ölkədəki bütün silahlar qeydiyyata alınmalıdır.

Beləliklə, ABŞ və koalisiya qoşunlarının bölgədən çıxmasını İraq xalqının yenilik, dəyişiklik, inkişaf, təhlükəsizlik, ərazi bütövlüyü, suverenlik yolunda zəfəri saymaq olar.(Report)]]> admin Thu, 01 Oct 2026 18:06:12 +0400 https://azbaku.org/index.php?newsid=20999 https://azbaku.org/index.php?newsid=20999
Bakıda və Abşeron yarımadasında, eyni zamanda bəzi bölgələrdə oktyabrın 2-3-də güclü külək əsəcək.

Gözlənilən küləkli hava şəraiti ilə bağlı Milli Hidrometeorologiya Xidməti sarı və narıncı xəbərdarlıq yayıb.

Bakıda və Abşeron yarımadasında, Neftçala və Qobustanda narıncı xəbərdarlığa uyğun olaraq şimal-qərb küləyi əsəcək, küləyin sürəti 20.8-28.4 m/san-dək güclənəcək.

Quba, Qusar, Xaçmaz, Şabran, Siyəzən, Xızı, İsmayıllı, Qəbələ, Hacıqabul, Salyan, Lənkəran, Astara, Cəlilabad, Biləsuvar, Kəlbəcər, Laçın, Culfa, Mingəçevir, Sabirabad, Şirvan, Daşkəsən, Gədəbəy, Naftalan, Goranboyda sarı xəbərdarlığa uyğun olaraq şimal-qərb küləyi əsəcək, küləyin sürəti 13.9-20.7 m/san təşkil edəcək.]]> admin Thu, 01 Oct 2026 17:47:09 +0400 https://azbaku.org/index.php?newsid=20998 https://azbaku.org/index.php?newsid=20998
Baş Dövlət Yol Polisi İdarəsi hava şəraiti ilə bağlı hərəkət iştirakçılarına müraciət edib.

Bu barədə idarədən məlumat verilib.

Bildirilib ki, oktyabr ayının 2-dən etibarən ölkə ərazisində hava şəraitinin qeyri-sabit keçəcəyi, temperaturun ötən günlərlə müqayisədə aşağı enəcəyi, fasilələrlə yağıntıların olacağı, bəzi yerlərdə yağışın leysan xarakterli intensiv, eləcə də küləyin ayrı-ayrı vaxtlarda güclənəcəyi gözlənilir.

Baş Dövlət Yol Polisi İdarəsi hava şəraitində gözlənilən dəyişikliklərlə əlaqədar sürücüləri xüsusilə diqqətli olmağa çağırır:

"Yağıntılı hava şəraitində yol örtüyünün sürüşkənləşməsi, görünüş məsafəsinin azalması və güclü küləyin nəqliyyat vasitələrinin idarə olunmasına təsiri qəza riskini artıra bilər. Bu səbəbdən sürücülər sürət həddini mövcud yol və hava şəraitinə uyğun seçməli, ara məsafəsini artırmalı, qəfil manevr və sərt tormozlamadan çəkinməlidirlər. Piyadalara isə yolun hərəkət hissəsinə çıxarkən daha diqqətli olmaları, yalnız müəyyən edilmiş keçidlərdən istifadə etmələri və məhdud görünmə şəraitini nəzərə almaları tövsiyə olunur.

Baş Dövlət Yol Polisi İdarəsi bütün hərəkət iştirakçılarını qarşıdakı günlərdə gözlənilən qeyri-sabit hava şəraitini nəzərə almağa, yollarda diqqətli və ehtiyatlı davranmağa çağırır".]]> admin Thu, 01 Oct 2026 16:57:41 +0400 https://azbaku.org/index.php?newsid=20997 https://azbaku.org/index.php?newsid=20997
Bakıda və Abşeron yarımadasında oktyabrın 2-si axşamdan gözlənilən yağışın leysan xarakterli intensiv olacağı, şimşək çaxacağı, 3-ü səhərədək arabir güclü olacağı ehtimalı var.

Bu barədə Milli Hidrometeorologiya Xidməti xəbərdarlıq yayıb.

Bildirilib ki, fasilələrlə yağışlı hava şəraiti oktyabrın 4-ü səhərədək davam edəcək.

Havanın temperaturu ötən günlərlə müqayisədə tədricən 5-8 dərəcə enərək, 3-ü gecə 14-16, gündüz 16-18 dərəcə isti təşkil edəcək.

Azərbaycanın rayonlarında oktyabrın 2-dən 5-dək hava şəraitinin qeyri-sabit keçəcəyi, fasilələrlə yağıntılı olacağı gözlənilir. Naxçıvan MR, Qarabağ və Şərqi-Zəngəzur, Qazax-Gəncə, Balakən-Şəki, Mərkəzi-Aran, Quba-Qusar, Dağlıq Şirvan bölgəsinin bəzi rayonlarında yağıntının leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı, 2-si axşam və 3-də bəzi yerlərdə yağıntıların güclənəcəyi ehtimalı var.

Gözlənilən yağıntılı hava şəraiti ilə əlaqədar çaylarda sululuğun artacağı, Böyük və Kiçik Qafqazın, Lənkəran-Astara bölgəsinin, eyni zamanda Naxçıvan MR-nin bəzi çaylarından qısamüddətli daşqın və sel keçəcəyi ehtimal olunur.

Havanın temperaturu ötən günlərlə müqayisədə tədricən 5-10 dərəcə enəcək.]]> admin Thu, 01 Oct 2026 16:28:03 +0400 https://azbaku.org/index.php?newsid=20996 https://azbaku.org/index.php?newsid=20996
"Birliyin Gücü - 2026" hərbi təlimi Özbəkistan, Azərbaycan, Türkiyə hərbiçiləri üçün əməkdaşlığı gecləndirməyə, operativ uyğunluğa nail olmağa, təcrübə mübadiləsi üçün gözəl bir imkan oldu.

"Report"un Xocavəndə ezam olunmuş əməkdaşı xəbər verir ki, bunu Özbəkistanın müdafiə naziri Şuxrat Xolmuxamedov Azərbaycanda keçirilən "Birliyin Gücü - 2026" birgə hərbi təliminin sonuncu mərhələsi zamanı hərbi qulluqçuların təltifolunma mərasimimdə bildirib.

Nazir əmin olduğunu bildirib ki, təlimlər çərçivəsində hər bir hərbiçi özünə döyüş yoldaşı tapıb:

"Əminəm ki, təlimlər çərçivəsində hər bir hərbiçi özünə döyüş yoldaşı tapıb, yeni bilik və təcrübə əldə edib, döyüş hazırlığının səviyyəsini artırıb, döyüş tapşırıqlarını yerinə yetirmək üçün lazımi bacarıqlar əldə edib", - Ş. Xolmuxamedov deyib.

Qeyd edək ki, "Birliyin Gücü – 2026" birgə hərbi təlimi Azərbaycan, Özbəkistan və Türkiyə hərbi qulluqçularının iştirakı ilə Azərbaycanda keçirilir.

Eyni zamanda təlimdə İran, Slovakiya, Qırğız Respublikası, Tacikistan, Gürcüstan, Pakistan, Türkmənistan, Serbiya və Birləşmiş Ərəb Əmirlikləri müşahidəçi qismində iştirak edir.

Üç mərhələdən ibarət olan təlim Azərbaycan Ordusunun Qarabağ iqtisadi rayonunda yerləşən "Qızılqaya" Təlim Mərkəzində, Naxçıvan Muxtar Respublikasında yerləşən "Qarabağlar" Təlim Mərkəzində, eləcə də Xəzər dənizinin Azərbaycana aid akvatoriyasında yerləşən "Böyük Zirə" təlim rayonunda təşkil olunur.]]> admin Thu, 01 Oct 2026 15:50:49 +0400 https://azbaku.org/index.php?newsid=20995 https://azbaku.org/index.php?newsid=20995
Suriya hökumətinin və Livanın "Hizbullah" hərəkatının nümayəndələri tərəflər arasında gərginliyi azaltmaq məqsədilə Türkiyədə birbaşa danışıqlar aparıblar.

Bu barədə mənbələr məlumat verib.

Görüş ötən ay azı bir dəfə baş tutub və qapalı formatda keçirilib.

Danışıqlarda "Hizbullah" nümayəndələri, eləcə də Suriya kəşfiyyat orqanlarının və Xarici İşlər Nazirliyinin əməkdaşları iştirak ediblər. Görüş gərginliyin azaldılması səyləri çərçivəsində Türkiyə təhlükəsizlik və kəşfiyyat orqanlarının dəvəti ilə baş tutub.


]]> admin Thu, 01 Oct 2026 14:57:41 +0400