Çeçenistan Respublikasının başçısı Ramzan Kadırov Azərbaycan prezidenti İlham Əliyevi doğum günü münasibəti ilə təbrik edib.

Çeçenistan lideri özünün Mylistory akkauntunda yazıb:

“Əziz böyük qardaşım, Azərbaycan Respublikasının prezidenti İlham Əliyevi səmimi qəlbdən təbrik edirəm. Bizim xalqlarımız və Respublikalarımız arasında sıx qardaşlıq və dostluq bağları var! Bunların əsasını bizim atalarımız – Heydər Əliyev və Əhməd-Hacı Kadırov qoyub.

Azərbaycan və Çeçenistan arasında geniş işgüzar, mədəni, dini bağların mövcudluğu mənə çox xoşdur. Azərbaycan və bizim Vətənimiz – Rusiyanın mehriban qonşu və qardaş dövlətlər münasibətində olması da çox vacibdir. Belə bir siyasətin vacibliyini Sovet İttifaqının və Azərbaycanın görkəmli dövlət xadimi Heydər Əliyev çox gözəl anlayırdı”, - Kadırov öz səhifəsində yazıb.

Daha sonra Çeçenistan lideri İlham Əliyevə cansağlığı, uğurlar və firavanlıq, eləcə də Azərbaycan xalqına sülh və tərəqqi arzulayıb.

(oxu.az)