Gözətçi otağında oturan şəxs ərazidən çıxan hər avtomobilin sürücüsündən nağd olaraq 1 manat pul alır. Baxmayaraq ki, elə həmin yerdə parkomat quraşdırılıb. Üstəlik, şlaqbaumların üzərinə xəbərdarlıq yazısı da yazılıb.

AzBaku.info Xəzər TV-yə istinadən məlumat verir ki, gözətçi otağında oturan şəxs Bakı Şəhər İcra Hakimiyyəti Xüsusi Təyinatlı Avtonəqliyyat İdarəsinin əməkdaşıdır. Həmin şəxs ərazidə çəkiliş aparılmasından xəbərdar olsa da, buna məhəl qoymadan pul yığmağa davam edir.

Yaxınlaşıb müsahibə almaq istəyəndə isə özünəməxsus şəkildə cavab verib, pəncərəni qapatmaq istəyir.

Məsələ ilə bağlı Xüsusi Təyinatlı Avtonəqliyyat İdarəsi ilə əlaqə saxlamaq istəsək də, zənglərimizə cavab verən olmadı.