İran Suriyadan öz diplomatlarının və hərbi müşavirlərini bir hissəsini təxliyə etməyə başlayıb.

Bu barədə “The New York Times” qəzeti mənbələrə istinadən yazır.

Məlumata görə, İran diplomatik işçiləri və onların ailə üzvləri, eləcə də İranın adi vətəndaşları dekabrın 6-da səhər saatlarında Suriyanı tərk etməyə başlayıblar.

Qeyd olunub ki, İran İslam İnqilabı Keşikçiləri Korpusunun (SEPAH) bəzi hərbçiləri artıq İraq və Livana təxliyə edilib. 

O da bildirilib ki, İnsanların bir hissəsi təyyarələrlə Tehrana, bir hissəsi isə quru nəqliyyatı ilə Livan, İraq və Suriyanın Latakiya limanına göndərilib.