"Report"un məlumatına görə, əraziyə 17 yanğınsöndürən maşın, xeyli sayda təcili tibbi yardım briqadası, polis əməkdaşları cəlb olunub.
"Radioquraşdırma zavodu" istiqamətindəki yollar nəqliyyatın hərəkəti üçün bağlanıb. FHN-in Xüsusi Riskli Xilasetmə Xidmətinin əməkdaşları hadisə yerindədir.
***
20.05
Partlayış baş verən ərazinin yaxınlığında yanacaq doldurma məntəqəsinin də olduğu bildirilsə də, orada hər hansı yanğın hadisəsinin baş vermədiyi bildirilir. Hadisə nəticəsində ölən və yaralananların olması və dağıntı barədə ilkin məlumat yoxdur. Hazırda ərazidə qatı tüstü müşahidə olunur (oxu.az).
***
19.53
Bakı metrosunun "Həzi Aslanov” stansiyası yaxınlığında güclü partlayış baş verib.
Qaynarinfo oxu.az-a istinadən xəbər verir ki, bu barədə sosial şəbəkə istifadəçiləri məlumat yayıb.
Məlumata əsasən, partlayış "Radiozavod” deyilən ərazinin yaxınlığlında baş verib.
Partlayışdan sonra yanğın başlayıb. Hazırda həmin əraziyə yanğınsöndürənlər cəlb olunub.
Fövqəladə Hallar Nazirliyi (FHN) Dövlət Yanğından Mühafizə Xidmətinin Xətai rayon yanğından mühafizə hissəsindən "Report"a verilən məlumata görə, partlayış Radioquraşdırma zavodu ərazisində qeydə alınıb.
