Türkiyəli elm adamı Əbdurrəhman Qılıc İstanbulda baş verəcəyi proqnozlaşdırılan zəlzələnin dəhşətli dağıntılara yol açacağını deyib.Metbuat.az-ın məlumatına görə, o bildirib ki, yeraltı təkanlar nəticəsində şəhərdə 3 minə yaxın yanğın hadisəsi baş verə bilər. Buna isə mavi yanacaq sistemlərinin sıradan çıxması səbəb olacaq.
Elm adamının iddiasına görə, İstanbuldakı binaların 95 faizi zəlzələ zamanı baş verə biləcək yanğın hadisələrinə hazır deyil.

Qeyd edək ki, Türkiyədə demək olar hər 20 ildən bir güclü zəlzələ baş verir. Sonuncu dəfə 1999-cu ildə Mərmərə bölgəsində rixter cədvəli üzrə 7,5 bal gücündə yeraltı təkan qeydə alınıb. Rəsmi məlumatlara görə, 17480 nəfər həyatını itirib. Türkiyə illərdir zəlzələnin törədəcəyi fəsadlara hazırlaşır.