Bakı Ağır Cinayətlər Məhkəməsində dələduzluqda təqsirləndirilən Gülşən Məmmədovanın cinayət işi üzrə məhkəmə iclası keçirilib.

Realliq.info xəbər verir ki, iclasda hökm elan edilib. Hökmə əsasən ona 2 il sınaq müddəti təyin olunmaqla şərti cəza verilib.

Qeyd edək ki, G. Məmmədovanın Leyla Şıxlinskaya klinikasının rəhbəri L. Şıxlinskaya ilə rəfiqə olub. O, L. Şıxlinskayanın qiyməti 30 min manat olan brilliant üzüyünü satmaq adı ilə alaraq lombarda qoyub, pul götürüb və geri qaytarmayıb.

G. Məmmədova Cinayət Məcəlləsinin 178-ci (dələduzluq) maddəsinə əsasən ittiham edilib. Onun barəsində istintaq və məhkəmə dövründə həbs qətimkan tədbiri seçilməyib.