Karnegi Elmi İnstitutundan Skot Şepard, Şimali Arizona Universitetindən Çad Truxilyu və Havay Universitetindən Devid Tolen Günəş sistemində yeni göy cismi kəşf ediblər.

“Qafqazinfo” TRT-yə istinadən xəbər verir ki, həmin göy cisminə “2015 TG387” adı verilib.

Bu kəşf Günəş sisteminin sərhədlərinin harada bitdiyini yenidən nəzərdən keçirməyə əsas verib.

Yeni göy cismi Günəş sistemində uzaq süper dünya və X planeti axtarışı zamanı ortaya çıxıb. Plutondan çox uzaqda yerləşən “2015 TG387” cisminin Günəşə uzaqlığı Günəşlə Yer arasındakı məsafədən təxminən 80 dəfə çoxdur.