Bu istehsalçılar sırasında “Qızıl Tac” firması birincidir. Beləki, Azərbaycanda bəzi istehsal müəssisələrində kəllə qəndin ağardılması prosesində insan sağlamlığı üçün təhlükəli olan “sodium hidrosulfit” maddəsindən istifadə edilir

“Marketdən kəllə qənd aldım. Çay içən zaman qənddə xoşagəlməz dad hiss etdim. Dəfələrlə saytlarda oxumuşam ki, qənd istehsal edən zaman tərkibinə müxtəlif maddələr vururlar. Qınddə hiss etdiyim tam məni narahat etdi. “Qızıl Tac” firmasının istehsalı olan qəndin qablaşdırmasının üzərində tərkibi barədə heç bir məlumata rast gəlmədim”.

Bunu Az24saat.org saytına oxuculardan biri yazıb. O, məsələnin araşdırılması və müvafiq qurumların qurumların rəyinin öyərinlməsi üçün saytımıza müraciət edib.

Araşdırmalarımız zamanı ortaya maraqlı faktlar çıxdı.

Belə ki, ölkədə sağlamlığa zərərli kəllə qəndlər satılması barədə mediada dəfələrlə məlumatlar dərc edilib. Məlumatlarda qeyd edilir ki, bəzi istehsal müəssisələri kəllə qəndin ağardılmasında kimyəvi məhsullardan, xüsusilə də insan səhhəti üçün çox zərərli olan “sodium hidrosulfit” maddəsindən istifadə edilir.

Azad İstehlakçılar Birliyinin ötən il apardığı araşdırmada isə “Qızıl Tac” firması da həmin maddədən istifadə edən firmalar sırasındadır.

Azad İstehlakçılar Birliyinin sədri Eyyub Hüseynov mətbuata açıqlamasında bildirmişdi ki, istehlakçılar mütəmadi olaraq qəndin ağardılmasında müxtəlif qadağan edilmiş kimyəvi maddələrdən istifadə edildiyi barədə məlumat verirdilər.

AİB ötən il istehlakçılardan daxil olmuş bu şikayətləri araşdırmaq üçün satışdakı qəndləri laborator yoxlamasını aparıb: “Ölkədə istehsal edilən 27 növ qəndin akreditasiya olunmuş laboratoriyada ekspertizasını keçirtdik. Ekpertizanın rəyindən məlum oldu ki, şəkər tozundan kəllə qənd istehsal edən kiçik sexlərin əksəriyyəti qəndin ağardılması zamanı insan orqanizmi üçün ciddi fəsad yaradan kimyəvi maddədən istifadə edirlər. Bəllidir ki, kəllə qənd əldə etmək üçün şəkər tozu qaynadılır. Bu zaman onun rəngi dəyişərək tündləşir. Şəkər tozundan ağ kəllə qənd istehsal etmək üçün texnoloji proses aparılmalıdır.

Bunun üçün “sentrafuqlma” adlanan qurğuda qənd ağardılma prosesindən keçməlidir. Bu qurğu mərkəzdən qaçma qüvvəsinə əsaslanır. “Sentrafuqlma” yəni sürətli fırlanma prosesi hesabına qəndin tərkibindən rəngli maddə ayrılır, və ağ qənd qalır. Amma bu gün ölkədə fəaliyyət göstərən kiçik qənd sexlərində bu qurğu yoxdur. Bizim akreditasiya olunmuş laboratoriyada apardığımız ekspertiza zamanı məlum oldu ki, həmin sexlər qəndi ağartmaq üçün qeyd etdiyim kimi, çox təhlükəli maddədən yararlanırlar. Bu, “sodium hidrosulfit” adlanan maddədir. Bu maddənin tərkibi kükürdlə zəngindir.

Mədə-bağırsaq fəaliyyətinin pozulmasına səbəb ola biləcək kükürd tərkibli “sodium hidrosulfit” maddəsindən qida istehsalında norma daxilində istifadəyə icazə verilir.
Bildiyim qədər qənd istehsalında isə bu maddənin istifadəsi qəti yolverilməzdir. Çox təəssüf ki, ölkədə kəllə qənd istehsal edən sexlər, “sentrafuqlma” adlanan qurğunu almaq baha başa gəldiyindən, istehlakçıların sağlamlığını təhlükə altına ataraq kükürd tərkibli “sodium hidrosulfit”dən istifadə edirlər. Bizim apardığımız ekspertiza zamanı “Bolluq” firmasının 700 qramlıq kəllə qəndlərində, “Qidam”şirkətinin “Dişləmə” 500 qramlıq paketlərində, “Seçmə”, “Azeliya”, “Oman”, “Vesta”, “Tərlan”, “Qızıltac”, “Xəyal”, “Mastero”, “Unudulmaz”, “Bəxşiş” firmasının qəndlərində, Gəncəbasar zonasında istehsal olunan əksər kəllə qəndlərdə “sodium hidrosulfit” aşkarlandı” – deyə Eyyub Hüseynov bildirib.

Paytaxt.org bildirir ki, 24saat.org saytı məsələ ilə bağlı “Qızıl Tac” firmasının rəhbərliyi ilə əlaqə saxlayıb. Firma rəhbərliyi qəndin tərkibinə “sodium hidrosulfit” maddəsinni vurulması ilə bağlı məlumatları təkzib edib. O bildirib ki, firmanın məhsulları yaxın vaxtlarda Qida Təhlükəsizliyi Agentliyi tərəfindən yoxlanılıb. Yoxlamaların nəticələri ilə bağlı sənədi təqdim etməsini istəsək də, hələlik redaksiyaya belə bir sənəd təqdim edilməyib.

Məsələ ilə bağlı Qida Təhlükəsizliyi Agentliyinə sorğu ünvanlanıbvə verilən cavabla bağlı əlavə məlumat veriləcək. 24saat.org