BBC-nin verdiyi məlumata əsasən, şəhərdə meyvə yeyən yarasaların populyasiyası son bir neçə ay ərzində olduqca artıb.

Bildirilir ki, ağaclarda məskunlaşan 300 mindən artıq heyvan insanları qorxudur və qıcıqlandırır. Yerli sakinlər iydən və səs-küydən şikayətlənirlər.
Qoluqanadlıların koloniyası məktəbin cəmi 100 metrliyində yaşayır. “Sun” nəşri bildirir ki, valideynlər bu heyvanların hücumundan ehtiyat etdikləri üçün uşaqları məktəbə buraxmırlar.

Qeyd edək ki, hazırda yarasalar qanunla qorunur, buna görə də şəhərin sakinləri onları öldürə bilmirlər.

Yerli hökumət yarasaları özlərinin təbii mühiti olan meşəyə qayıtmağa “yola gətirməyə” çalışdığını bildirir.