“Azərbaycanda koronavirusa yoluxan şəxslərin 52,1 faizindən çoxu Bakı üzrə qeydə alınıb”.

AzBaku.org-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bölgələr üzrə koronavirusa yoluxma halları barədə statistikanı açıqlayarkən deyib.

O bildirib ki, koronavirusa yoluxma hallarında xarici vətəndaşların payı 13,16 faiz təşkil edir:

“Aran zonasında 6,88 faiz, Lənkəranda 8,28 faiz, Abşeronda 5,54 faiz, Gəncə-Qazax zonasında 7,62 faiz, Quba-Xaçmazda 2,4 faiz, Yuxarı Qarabağda 1,07 faiz, Şəki-Zaqatalada 1,27 faiz, Dağlıq Şirvanda 1,4 faiz, Naxçıvanda 0,27 faiz təşkil edib”.