Qarlı günlərdə Bakıda 50 yol qəzası baş verib

Bakıda yanvarın 9-da 35, yanvarın 10-da isə 15 yol qəzası baş verib.
Bu barədə Bakı Şəhər Dövlət Yol Polisi (DYP) İdarəsinin baş inspektoru polis mayoru Araz Əsgərli bildirib.
O bildirib ki, qeyd edilən 50 hadisənin heç birində ölüm faktı qeydə alınmayıb, onların hamısı maddi ziyanla yekunlaşıb.
Qeyd edək ki, dünəndən Bakıda qarlı hava şəraiti müşahidə olunur.