İranda Prezident İbrahim Rəisinin helikopter qəzasında həlak olması xəbərinə kədərli münasibət göstərməyən İsfahan əyalətinin 200-dən çox sakini barəsində cinayət işi başlanıb.

Bunu İsfahan əyalətinin prokuroru Məhəmməd Musəvian bildirib.

Onun sözlərinə görə, əyalətin 200-dən çox sakini yalan xəbər yaymaq, İbrahim Rəisiyə və onun silahdaşlarına təhqiramiz münasibət göstərməkdə ittiham olunur.

Qeyd edək ki, İbrahim Rəisi və onu müşayiət edən 8 nəfər mayın 19-da Güney Azərbaycanın Qaradağ bölgəsində helikopter qəzasında həlak olublar.