Bakıda sürücü avtomobildən bayıra zibil atan zaman digər avtomobildəki kamera həmin görüntüləri qeydə alıb. Avtosfer.az xəbər verir ki, yanvarın 5-də Bakı-Dairəvi yolunda hərəkətdə olan 99-KX-958 qeydiyyat nişanlı "Honda" markalı avtomobilin sürücüsü əlindəki zibili bayıra ataraq qaydanı pozub. Buna görə həmin sürücünü 40 manat cərimə gözləyir.

Bu cür sürücülər ölkəmizdə çoxluq təşkil edir. Nəinki sürücülər, hətta küçədə hərəkət edən piyadalar da çox vaxt əllərindəki zibili zibil qabına yox, küçəyə ataraq zibilləyirlər. Bu hərəkət həmin şəxsin mədəniyyətsizliyindən xəbər verir.