Müşviqabad-Qızıldaş yolunun 90 km/saat sürət olan hissəsində (üzü Müşviqabad qəsəbəsi istiqamətində) Dövlət Yol Polisinin 70 km/saat sürətə uyğunlaşdırılmış stasionar radarı quraşdırılıb. Bir neçə sürücü haqlı olaraq həmin radarın iş rejimindən şikayətlənirdi. Avtosfer.az saytının əməkdaşı yanvarın 12-də qeyd etdiyimiz yolun 28-ci kilometrinə baxış keçirərək çəkiliş aparıb. Çəkiliş zamanı məlum olub ki, yolda sürəti bildirən 70 nişanı var, lakin bu nişan radarın yaxınlığındakı yolayrıcında qüvvəsini itirir. Həmin yol isə yaşayış məntəqəsindən kənar yol olduğu üçün,yola qoyulan 70 nişanı yolayrıcında qüvvəsini itirərək hərəkət sürəti avtomatik olaraq 90 km/saat sürətə qalxır. Bu səbəbdən də radarın iş rejimini 70 km/saat sürətə yox, 90 km/saat sürətə uyğunlaşdırmaq lazımdır. Həmin kilometrdə qeydə alınmış protokollar isə xitam olunmalıdır.