Dəyərli oxucuların və aidiyyatı dövlət strukturlarının diqqətinə çatırmaq media olaraq bizim borcumuzdur. Ölkə rəhbərinin tapşırıqlarını heçə saymağa cəhd edən yerli qurum üzvləri artıq rəhbərdən xəbərsizdə işlər icra edirlər. Rəhbərliyin verdiyi qərarlar kənara qoyularaq, bəzi struktur rəhbərləri öz bildiklərinin icrası ilə məşğuldurlar. Ekologiya və Təbii Sərvətlər Nazirliyinin göstərişlərinə məhəl qoymayan Müəssisə rəisinin müavini Qismət Abbasov Beyləqan rayonu ərazisindəki yaşılığına qəniminə çevrilib. Belə ki, bu şəxsin mövsümlə əlaqədar özünə biznes qurması ilə bağlı redaksiyamıza daxil olan məlumatlar səngimək bilmir.

Bakunews.az-a daxil olan məlumatlar əsasən Beyləqan rayon Meşə Mühafizəsi və Bərpası Müəssisəsinin müdir müavini Qismət Abbasovun qanunsuz əməlləri ilə bağlıdır. Q.Abbasovun qanunsuz olaraq rayonn ərazisində onsuz da çox olmayan yaşıllığın məhv edilməsində böyük rolundan danışan etibarlı mənbə, onun rayon ərazisində idarə müdirinin xəbəri olmadan belə bir əvəzinə 10 ağacın kəsilməsinə verdiyi qərarlar verdiyini qeyd etdi.

Verilən məlumata görə, Beyləqan Meşə Mühafizəsi və Bərpası Müəssisəsinin müdir müavini Qismət Abbasov ağacların kəsilməsi prosesinə birbaşa rəhbərlik edir.
Q.Abbasov rəhbərlərindən biri olduğu təşkilatın nəzarət funksiyasını həyata keçirdikləri Dünyamallar, Yalobası, Qəhrəmanlı kəndlərinin və Sovxoz adlanana ərazidəki yaşıllıqların qəniminə çevrilib.

Mövzuya qayıdacağıq.
Redaksiya, yazıda adı çəkilən şəxslərində mövqelərini dərc etməyə hazırdır.