.

Bunu mediaya açıqlaması zamanı əmək və əhalinin sosial müdafiəsi naziri Səlim Müslümov bildirib.

“Bildiyiniz kimi avtomatlaşdırılmış sistem 2016-cı ilin fevral ayının 15-dən fəaliyyətə başladı. Artıq bir aydan sonra köhnə sistemlə, yəni əl ilə təyinatların 2 illik vaxtı başa çatır. Ondan sonra hamısı VEMTAS tərəfindən təyin olunmuş ünvanlı sosial yardımlar olacaq. Onlar elektron şəkildə təyinat hesabına ünvanlı sosial yardım alan ailələr olacaq. Bu proses gedir. Amma təbiidir ki, ailələrin tam ünvanlı olaraq, həqiqətən buna ehtiyacı olanların alması prosesi təsdiqini tapır. Ola bilir ki, bəzi ailələr buna düşmür, onlar imtahanlar verirlər. Konkret halda onlara imtahanların səbəbləri göstərilir. Ona görə bir daha qeyd eləmək istəyirik ki, kimlərin ailələrində əmək qabliyyəti olan üzvlər var, onlar bizim yerli məşğulluq mərkəzlərinə özünəməşğulluq proqramında iştirak üçün müraciət etsinlər. Artıq bizim kifayət qədər vəsaitimiz var, formalaşır. Cənab Prezident Nazirlər Kabinetinin geniş iclasında öz çıxışında qeyd etdi ki, özünəməşğulluq proqramı üçün bu il 35 milyon manat vəsait nəzərdə tutulub. Bu, keçən il bizim tədbiq etdiyimiz özünəməşğulluq layihəsindən təxminən 6 dəfə böyükdür”.