Sabirabad Mərkəzi Xəstəxanasının baş həkimindən " FRANSIZ SAYAĞI " təklif

Redaksiyamıza Sabirabad Rayon Mərkəzi Xəstəxanasının həkimlərindən ikisinin gizli eşq həyatı yaşadıqları barədə məlumat daxil olub.

Məlumata görə, mayın 4-6-da xəstəxananın 20-dən çox tibb işçisi istirahət məqsədilə Qusar rayonunda olub. Ancaq qəribə olan odur ki, xəstəxananın müxtəlif şöbələrində çalışan iki həkim (kimlikləri və hansı şöbələrdə işlədikləri bizə məlum olsa da, açıqlamırıq – red.) arasında yaşanan gizli eşq macərası uzun illər məxfi saxlanılsa da, həmin istirahət günlərində hər şey çılpaqlığı ilə üzə çıxıb. Hətta onların gizli sevişmələri öz iş yoldaşlarının biri tərəfindən mobil telefonla videoya çəkilib və baş həkimə göndərilib. Məsələdən xəbər tutan Sabirabad Rayon Mərkəzi Xəstəxanasının baş həkimi Yusif Quliyev isə baş verənlərdən narahat olaraq təxirəsalınmaz addımlar atıb.

Belə ki, baş həkim Y.Quliyev gizli eşq macərası faş olan cütlüyün zərif cinsin nümayəndəsini dərhal yanına çağırıb,sözü gedən məsələ ilə bağlı sorğu suala başlayıb. Məlum video görüntülərin qarşısında çarəsiz həkim hər şeyi etiraf edib. Bundan sonra Yusif Quliyev xanım həkimə iki təklif irəli sürüb. 1 cisi işdən rüsvayçı şəkildə qovulmaq, 2 cisi mənimlə də yaxınlıq eləmək. Xanım həkim etiraz etsə də Yusif Quliyev onu razı salmaq üçün daha ilginc təklif irəli sürüb. Səninlə " FRANSIZ SAYAĞI " eşq yaşayarıq. Xanım həkim isə öz növbəsində baş həkimin bu cür iyrənc təkliflərinə qarşılıq olaraq onun üzünə tüpürməklə otağı tərk edib , bir neçə saat sonra isə işdən kənarlaşdırıb, ancaq bəlli olmayan səbəbdən kişi həkimi işində saxlayıb.

Mənbənin sözlərinə görə, baş həkim rəhbərlik etdiyi tibb müəssisəsinin adına xələl gəlməməsi, və öz çirkin təkliflərinin üstünün açılmaması üçün həmin eşq macərasını ciddi-cəhdlə gizlətməyə çalışsa da, buna müvəffəq ola bilməyib.

Məsələni dəqiqləşdirmək üçün Sabirabad Rayon Mərkəzi Xəstəxanasının baş həkimi Yusif Quliyevlə onun bizə təqdim olunan iki mobil telefon nömrəsi ilə əlaqə yaratmağa çalışsaq da, cəhdimiz alınmadı. Baş həkim zənglərə cavab vermədi. Ancaq yenə də baş həkimi dinləməyə hazırıq.

*

Qeyd edək ki, 2017-ci il noyabrın 28-də Azərbaycan Respublikasının Prezidenti cənab İlham Əliyev istifadəyə verilən Sabirabad Rayon Mərkəzi Xəstəxanasının yeni binasının açılışında iştirak edib. Onu da xatırladaq ki, ötən əsrin 70-ci illərində inşa olunan xəstəxananın binası yararsız vəziyyətə düşdüyündən dövlət başçısının tapşırığı ilə yeni bina tikilib. Yeni xəstəxana üçün ayrılan 4,77 hektar torpaq sahəsinin 1,2 hektarında dördmərtəbəli üç binadan ibarət xəstəxana kompleksi inşa olunub. Tikinti işlərinə 2012-ci ildə başlanıb və ötən ilin oktyabrında başa çatdırılıb. Ancaq çox təəssüf ki, milli memarlıq baxımından göz oxşayan belə bir tibb müəssisəsinin fəaliyyətinə kölgə salan xoş olmayan hadisələr də baş verir.
FAKTAZ.COM