Bakının Nəsimi rayonu, "Memar Əcəmi" metrostansiyasının yaxınlığında "Yaşam Residence" tərəfindən inşaa edilən hündürmərtəbəli binanın ərazisində yerləşən ağaclar qırılaraq məhv edilib.
Bu barədə Unikal.org məlumat yayıb.
Qəzet yazır ki, Asif Əsgərov Bakının Nəsimi rayonuna icra başçısı təyin olunandan yaşıllıqların qırılması kütləviləşib və intensivləşib. İcra başçısı şəhərin mərkəzində yaşıllıqları tikinti şirkətlərinə qurban edir.
2018-ci ilin dekabr ayından sözügedən ərazidə "Yaşam residence” MTK tərəfindən şam ağacları məhv edilib, yerində bina tikintisinə başlanılıb.
Maraqlısı ondadır ki, bu dəfə də ağaclar bayram günləri qırılaraq daşınıb. Bir sözlə, "Yaşam residence” MTK ərazini hasarlayıb, zeytun ağacı məhv edib, yerində tikinti aparır.
Nəsimi rayon İcra Hakimiyyətinin ictimaiyyətlə əlaqələr şöbəsindən bayram günləri olduğu üçün açıqlama verə bilməyəcəklərini deyiblər.
Həmin ərazidən görüntüləri sizlərə təqdim edirik:
