r

“Yolların dağıdılmasının günahı icra başçısındadır” – Ekspertdən sərt açıqlama

“Xırdalandakı yolların illərdir bərbad vəziyyətdə olmasının günahkarı İcra Hakimiyyətidir”.

Bunu “Yeni Sabah”a yol-nəqliyyat eksperti Elməddin Muradlı deyib. O bildirib ki, Xırdalan şəhəri Abşeron rayonunun mərkəzi əraazisidir və rayon İcra Hakimiyyəti oranı öz öhdəliyinə götürüb ki, yolları təmir edəcək.

“Bu da çox savadsız yanaşmadır, yol çəkmək kənardan göründüyü qədər asan məsələ deyil. Bu bir istedad tələb edir, mühəndis işi tələb edir.

Yəqin onlar düşünüblər ki, kanalizasiya xətlərini də, oradan keçən kommunikasiya xətlərini də təmir edək, problem yaranmasın. Lakin onların səhvi burda olub ki, onlar bütün yolları eyni vaxtda qazdılar. Bir ağıllı insan çıxıb demədi ki, bütün yolları eyni vaxtda qazmaq olmaz. Belə işlər mərhələləli şəkildə aparılmalıdır. Öncə 100 metr qazılmalı, təmir olunmalı, sonra digər 100 metrə keçilməli idi”.

Ekspert qeyd edir ki, ümumiliyyətlə, Abşeron rayonu xüsusilə, Xırdalan şəhəri sanki gözdən-könüldən uzaq, ibtidai icma quruluşuna qayıtmış yaşayış məntəqəsi obrazını yaradır: “Xırdalanda nəinki yollar düzgündür, həmçinin yol hərəkəti qaydalarına da düzgün riayət etmirlər. İnanırsız, bizə gün ərzində nə qədər şikayət xarakterli fotolar, videolar göndərilir. Qırmızı işığı gözləmirlər, yol ayrıcını kim necə gəldi keçir, avtobuslar əks istiqamətdə gedir və kimi dindirirsən müxtəlif bəhanələr uydurur ki , harda salamat yol var ordan keçirik. Bu doğru yanaşma deyil.

Orada böyük tikinti şirkətləri milyonlarla, milyardlarla sərmayə qoydular, evlər binalar inşa etdilər. İndi isə yolların bu vəziyyətdə olması sakinlərin ordaki evlərini satıb şəhərə köçmələri ilə nəticələnir.

Biz çalışırıq ki, insanlar şəhərdən kənara çıxsın, orada da yaşayış olsun, şəhər yüngülləşsin. Lakin Abşeron rayon icra başçısı orda yaşayan insanların geri, şəhərə qayıtmasına səbəb olur. Bəlkə də icra başçısı xanım olduğuna görə onu aldadıblar, amma dünyanın heç bir yerində şəhəri tamamilə qazıb, illərlə o vəziyyətdə saxlamazlar.

Adama sual verərlər ki, əgər əlində vəsaitin yoxdursa, nə üçün yolların hamısını qazırsan. Qışda insanlar palçıqdan əziyyət çəkir, heç ora taksi də getmir, camaat yollarda qalır. Yayda da vəziyyət ortadadı , toz-torpaq aləmi bürüyüb.

Xırdalanda neçə maşın çuxura düşüb, neçə maşın sınıb. İnsanlara maddi mənəvi ziyan dəyib. Əhali bu işdə günahkar olanları məhkəməyə versələr də, bu təsirli bir tədbir olmuyacaq. İcra başçısı öz əlindəki vəsaitə görə hərəkət etməli idi. Əks təqdirdə hərəkət etməyibsə, müəyyən tikinti şirkətlərinə müraciət edib, onlardan kömək almalıdır”.