Nərimanov rayonunda 3 avtomobilin iştirakı ilə yol-nəqliyyat hadisəsi baş verib.

Oxu.Az xəbər verir ki, qəza Akademik Həsən Əliyev və Əliyar Əliyev küçələrinin kəsişməsində qeydə alınıb.

“Kia” markalı nəqliyyat vasitəsi idarəetmədən çıxaraq əvvəlcə “Mercedes” markalı nəqliyyat vasitəsinə, daha sonra həmin avtomobil “Kia Sportage” markalı nəqliyyat vasitəsinə çırpılıb.

Hadisə zamanı xəsarət alan olmasa da, avtomobillərə ciddi ziyan dəyib.

Əraziyə Nərimanov Rayon Polis İdarəsinin və DYP əməkdaşları cəlb edilib. Hadisənin dəqiq hansı səbəbdən baş verməsi araşdırılır.