Dubayda koronavirus epidemiyası ilə əlaqədar bir aydır ki, bağlı olan ticarət mərkəzləri bazar günündən etibarən açılıb.

Bu barədə RT kadrlar yayımlayıb.

Bildirilir ki, girişdə insanların temperaturu yoxlanılır, əlcəklər verilir, döşəmələrdə isə sosial məsafənin qorunması üçün işarələr qoyulub.

Ancaq saat 22:00-dan 06:00-a qədər komendant saatı hələ qüvvədədir.

Son məlumatlara görə, BƏƏ-də 10 349 nəfər koronavirusa yoluxub. Onlardan 1978 nəfəri sağalıb, 76 nəfəri isə ölüb.