Bağçada uşaq pilləkəndən yıxıldı

Bakıda bağçada uşaq yıxılaraq ağır xəsarət alıb.

AzBaku.info Report-a istinadən xəbər verir ki, hadisə Xəzər rayonunda baş verib.

Belə ki, Mərdəkan qəsəbəsində yerləşən 91 nömrəli Körpələr Evi-Uşaq bağçasında 2013-cü il təvəllüdlü Ələkbərli Əli Hikmət oğlu nəzarətsiz qalaraq pilləkənlərdən yıxılıb. O, bədənin müxtəlif nahiyələrindən ağır xəsarət alıb.

Yaralı xəstəxanaya yerləşdirilib. Həkimlər onun vəziyyətini orta-ağır kimi qiymətləndirir.