Xaçmaz şəhəri, Bakı prospektində bıçaqlanma faktı baş verib.

Azbaku.org APA-ya istinadən xəbər verir ki, Xaçmaz sakinləri - 30 yaşlı Tural Bünyadov və 31 yaşlı Hacıağa Əzizov mübahisə zəminində bıçaqlanıb. Onlar Xaçmaz rayon Mərkəzi Xəstəxanasına yerləşdirilib. Vəziyyətləri orta-ağırdır.

Daxili işlər Nazirliyinin mətbuat xidmətinin şimal regional qrupundan bildirilib ki, hadisəni törətməkdə şübhəli bilinən Quba rayon sakini, 26 yaşlı Fərid Mirişov polis tərəfindən saxlanılıb.

Faktla bağlı araşdırma aparılır.