Bu müdrik kəlam ölkə başçısı cənab İlham Əliyev tərəfindən səsləndirilmişdir. Azərbaycan Respublikasının konstitusiyasının ı-ci maddəsində qeyd olunur ki,hakimiyyətin mənbəyi xalqdır. Təbii ki,hər bir dövlətin əsas tərkibi xalqdır və xalq da öz müqəddəratını həll etmək üçün referendum yolu ilə öz liderini seçir və dünya ölkələri arasında necə idarə olunmalarını ona həvalə edirlər.
Hər kəsə məlumdur ki,mərhum ulu öndər Heydər Əliyevin hakimiyyəti dövründə,Azərbaycan Respublikasının konistitusiyası müəyyən olunmuşdur. Xalqın,necə idarə olunması isə məhz konıstitusiya ilə müəyyən olunur. Bir çox hallarda qanunun tələblərindən sui istifadə edən dövlət məmurlarının əməllərinə şahidlik edirik. Hərçənt ki,bu cür çirkin əməl sahibi olan məmurların bir neçəsinin işdən azad edildiklərini və bir neçəsinin isə həbs olunduqlarını ölkə mətbuatından eşitmişik. Amma bu günkü məlumatlara nəzər salsaq görərik ki,həbs olunan məmurların əməllərində nəticə cıxartmayan daha çox məmurlar vardır.
“DogruXeber.az” informasiya agentliyinin redaksiyasına müraciət edən Binəqədi rayon Biləcəri qəsəbəsi Xəqani 41 ünvanında yaşayan Salmanov Tural Aslan oğlu olmuşdur. Vətəndaş T.Salmanov redaksiyamızla telefon əlaqəsi saxlayaraq bildirmişdir ki,maliyyə baxımından yarımçıq qalan evimin tikintisini, rayon icra hakimiyyəti tərəfindən qeyri iş günü səhər saatlarında böyük tonajlı texnika ilə söküblər. Məlumatla bağlı “DogruXeber.az” ın əməkdaşları hadisə yerində çəkliş aparıblar. Çəkliş aparılan zaman məlum olub ki,tikintinin tamamlanması üçün rayon icra nümayəndəsindən Sahil adlı məmur vətəndaşdan beş (5) min manat rüşvət istəyib. Binəqədi rayon sakini T.Salmanovun sözlərinə görə” icra məmuru əvvəlcədən ona bildirib ki,beş (5) min manat pul verməsən tikintini saxlatdırıb və tikilənləridə sökdürəcəm.”
Dəyərli oxucular diqqətinizə çatdıraq ki,Salmanov Tural Aslan oğlu üç (3) azyaşlı uşaq atasıdır,anası ikinci (2) qrup əlildir və özü də rəsmi olaraq heç yerdə işləmir. İyirmi (20) km-lik mənzildə altı (6) ailə üzvü ilə birlikdə yaşayırlar. Acınacaqlı vəziyyətdə qalan ailəyə qonşular tərəfindən müəyyən köməkliklər göstərilib. Belə ki,qonşuların həyətində fəhləlik edən gənc Salmanov Turala qonşuların yazığı gəldiyi üçün mənzillərinin qarşısında boş olan ərazidə mənzil tikmələrini rəva biliblər. Tikinti ləvazimatlarına da birlikdə kömək edəcəklərini vədd ediblər. Açınacaqlı vəziyyətdə olan azyaşlı körpələrin atası sevincindən yerə-göyə sığmayıb və ailəsinin yanına gedərək sevincini bölüşüb. Amma haradan bilərdi ki,Binəqədi rayon icra başçısı Elxan Allahverdiyev onun sevincini kədərə çevirəcək.
Nəhayət,daşını bir qonşu,sementini digər qonşu,suyunu isə o biri qonşu verərək min bir əziyyətlə başa gələn tikilini bir ədalətsiz tapşırıqla yerlə-yeksan edirlər. Halbu ki,T.Salmanov bildirir ki,Binəqədi rayonuna qənim kəsilmiş keçmiş icra başçısı Xaləddin İsgəndərov getdikdən sonra,6 iyun 2018-ci ildən yeni təyin olunmuş icra başçısı Elxan Allahverdiyevin yanına dəfələrlə gedib iki (2) otaqlı mənzilin tikilməsi üçün ona müvafiq yerdən torpaq sahəsi ayrılmasını xahiş etmişdir. Vətandaş qeyd edir ki,icra başçısı bildirib ki,bizdə müvafiq torpaq sahəsi yoxdur,əgər boş torpaq sahəsi olan yer varsa gedin orada mənzil tikib ailəni oraya yerləşdir. Bu gün isə deyilənlərin əksin görən ailə bir neçə dəfə intihara cəhd göstərib və hər dəfədə qonşular tərəfində qarşısı alınmışdır.
Ailənin sözlərinə görə icra başçısı E.Allahverdiyev yeni təyin olunduğu vaxda onun qəbulunda olublar. “Yaşadığımız vəziyyəti ona danışdıq,bizə bildirmişdir ki,səbirli olun sizin övladlarınızı sərhədd qoşunlarına qoyduraram və səni də tapşıraram münasib işlə təmin edərlər. İndi isə görürük ki,bunların hamısı yalan imiş və hətta bizi ələ salırmış”
Dəyərli oxucular nəzərinizə çatdıraq ki,əməkdaşlarımız Binəqədi rayon ərazisində kiçik bir araşdırma apardı. Əldə etdiyimiz məlumatda bildirilir ki,icra nümayəndələri tərəfindən yarımçıq qalan tikililər və tiktirmək istəyən şəxslərə isə müəyyən olunmuş “Tas”ı verdikdə tikintisini tamamlamağa şərait yaradılır. Hətta tikintiyə yeni başlamaq istəyənlərə də “Tas”ını verildikdən sonra müəyyən olunmuş gün ərzində tikintilərini başlamağa icazə verərək tez bir zamanda başa çatdırmalarını bildirirlər. Beləliklə də şəxsi büdcələrini doldurub,dövlətin qanunlarına isə xəyanət etmiş olurlar. Sözü gedən ərazilərdən bir də Binəqədidə dağlılar deyilən məhəllədə qeydə alınıb. Bu haqda növbəti buraxlışlarımızda ətraflı məlumatları diqqətinizə çatdıracağıq.
P.S. Redaksiyamız sözü gedən məsələ ilə bağlı Binəqədi rayon icra hakimiyyəti ilə telefon əlaqəsi saxladı. Məsələyə münasibət bildirən aparatın informasiya şöbəsinin məsul işçisi Kənan Kərimov vətəndaşın iddiasına yazılı olaraq münasibət bildirdi. Yazını olduğu kimi diqqətinizə çatdırırıq.
Tərəfimizdən aparılmış araşdırmada aydın olmuşdur ki, adı qeyd edilən vətəndaş 2 dəfə( 09.10.2019 və 13.11.2019) Rayon İcra Hakimiyyətində qəbulda olmuşdur. Birinci qəbul zamanı ev tikməsi məqsədilə torpaq sahəsi istəmişT.Salmanova bununla bağlı şifahi şəkildə müvafiq cavab verilmişdir. Vətəndaşın ikinci müraciəti ev tikilməsinə icazə ilə bağlı olmuşdur. Müraciətə uyğun olaraq vətəndaşdan Şəhərsalma və tikinti məcəlləsinə uyğun olaraq sənədlərin Rayon İcra Hakimiyyətinə təqdim edilməsi tövsiyyə olunsa da, heç bir sənəd təqdim edilməmişdir.
İddia edilən tikinti sahəsinin sökülməsi məsələsi ilə bağlı qeyd edək ki, Bakı şəhərində davam edən qeyri qanuni tikinti prosesinin dayandırılması məqsədilə monitorinqlər mütamadi olaraq aparılır və bu proses davam etdiriləcəkdir.
Yalnız vətəndaş tərəfindən torpaq sahəsinin çıxarışı və layihə təqdim edildikdən sonra məsələyə Rayon İcra Hakimiyyəti tərəfindən baxıla bilər.
Qanunsuz tikilinin davam etdirilməsi üçün tələb olunan maliyyə ilə bağlı iddia isə tamamilə əsassızdır.
P.S.S. Bu yerdə dahilərin gözəl bir kəlamın qeyd etmək yerinə düşərdi. “Görünən dağa nə bələdçi”
“DogruXeber.az”
