İstanbul hava limanı bu il 200 meqavat gücündə günəş elektrik stansiyasının (GES) tikintisinə 200 milyon avro sərmayə qoyacaq.
Bunu İstanbul Hava Limanının IGA planlaşdırma direktoru İsmayıl Hakkı Polat Bakıda keçirilən Ümumdünya Aeronaviqasiya Sammiti və Azərbaycan Mülki Aviasiya Aeronaviqasiya Xidməti Təşkilatının (CANSO) 28-ci illik ümumi iclasında deyib.
Onun sözlərinə görə, İstanbul hava limanı bütün elektrik istehlakını günəş enerjisi ilə qarşılayan dünyada ilk hava limanı olacaq.
O qeyd edib ki, dayanıqlı inkişaf İstanbul hava limanının inkişafında əsas amildir: “Enerji istehlak edən hava limanı əvəzinə, onu istehsal edən hava limanına çevrilmək istəyirik”.
Qeyd edək ki, İstanbul aeroportu hazırda Türkiyənin və Avropanın ən böyük hava limanıdır. Bu beynəlxalq hava limanı 2019-cu ilin aprelində istifadəyə verilib.
