Zeynalov və Mehrəliyev qardaşlarının Azərbaycandan taladıqları pullar Türkiyədə necə sərmayəyə çevrilib? 12 saat öncə

Keçmiş polis rəisi, hazırda həbsdə olan Vidadi Zeynalovun qaynı və BŞİH-nin Mənzil-Kommunal Təsərrüfatı Departamentinin rəhbəri Rafael Mehrəliyevin qardaşı Mübariz Mehrəliyevin Türkiyədə zəngin iş adamına çevrilib.

İsmaric.az-ın apardığı araşdırmalar nəticəsində məlum olub ki, Vidadi Zeynalov və Mehrəliyev qardaşları Azərbaycanda taladıqları pulları gizli şəkildə ölkədən çıxarıblar.

Mediada adı “Rabitə işi” kimi keçən Rabitə və Yüksək Texnologiyalar Nazirliyinin həbsdəki aparat rəhbəri Vidadi Zeynalov və yaxına adamları barədə İsmaric.az-a maraqlı məlumat daxil olub. Daxil olan məlumatda qeyd edilir ki, 74 milyon manat dövlət əmlakını mənimsəməkdə şübhəli bilinən və 179.3.2-ci, 308.2-ci və 308.1-ci maddələri üzrə həbs olunan Vidadi Zeynalovun azadlığa çıxması üçün hakimiyyət dairələri ilə apardığı danışıqlar nəticəsiz qalıb.

Həmin danışıqları isə adı tez-tez mətbuatda “milyonçu məmur” kimi hallanan BŞİH-nin Mənzil-Kommunal Təsərrüfatı Departamentinə rəhbərlik edən Rəfail Mehrəliyev olub. Rafael Mehrəliyev dəfələrlə Vidaid Zeynalovla qohum olduğunu boynundan atsa da, hakimiyyət daxilində hər kəs yaxşı bilir ki, məhz Mehrəliyevin paytaxt meriyasında əsas gəlir sahələrindən birinə yiyələnməsini vaxtı ilə yaxın qohumu Vidadi Zeynalov təşkil etdirib.

Bildirək ki, Rafael Mehrəliyevin qardaşı Naftalanın polis rəisi işləmiş polkovnik Mübariz Mehralıyev Vidadi Zeynlovun bacısının həyat yoldaşıdır. Məhz Mübariz Mehrəliyevin də rəis vəzifəsinə qədər irəliləməsində vaxtı ilə qaynının böyük əməyinin olduğu deyilir. Qeyd edək ki, Mübariz Mehrəliyev 2015-ci ilin əvvələrində Daxili İşlər Naziri Ramil Usubovun əmri ilə polis sıralarından qovulub. Mübariz Mehrəliyevin vəzifədən atılmasının səbəbi isə, həm onun, həm də qardaşı Rafael Mehrəliyevin adının Vidadi Zeynalovun cinayət işində hallanması olub. Verilən məlumata görə Vidadi Zeynalovun cinayət işində onun ən yaxın ailə üzvləri və ətrafı arasında əsas gözə çarpan şəxslər məhz Mehrəliyev qardaşlarıdır. Rafael Mehrəliyev Prezdentin İqtisadi məsələlər üzrə köməkçisi Əli Əsədovun dəstəyi ilə Vidadi Zeynalov cinayətindən zorla qurtulsa da, qardaşı Mübariz Mehrəliyev vəzifəsi ilə vidalaşmalı olub. Mənbə bildirir ki, Vidadi Zeynalov həbsə girdikdən sonra özünün bir çox biznes qurumlarını məhz Mübariz Mehrəliyevin idarəsinə verib. Bundan başqa Vidadi Zeynalovun həbsdən azad olunmaq üçün dövlətə dəyən ziyanı ödəmək şərti ilə azadlığa çıxmaq barədə danışıqları isə hakimiyyət dairələri ilə Rafael Mehrəliyev aparıb. Ancaq yuxarıda qeyd etdiyimiz kimi danışıqlar nəticəsiz qalıb.

Rafael Mehrəliyevin qardaşı Mübariz Mehrəliyev polis orqanlarından qovulandan sonra Türkiyəyə qaçıb və orada böyük biznes yaradıb. Mübariz Mehrəliyev qaynı Vidadi Zeynalovun və qardaşı Rafael Mehrəliyevin, həmçinin digər qohumu Bakı Şəhər icra Hakimiyyətində “tender kralı” kimi tanınan Ramazan Məmmmədovun pullarını Türkiyəyə çıxarıb və qardaş ölkədə ciddi biznes şəbəkəsi yaratmağa nail olub. Mənbəmiz bildirir ki, Vidaid Zeynalov danışıqların baş tutmamasından sonra dərhal Rafael Mehrəliyevə göstəriş verərək bütün nəğd pullarının ölkədən çıxarılmasını istəyib. Rafael Mehrəliyev isə, həm öz pullarını, həm də Zeynalovun pulllarını Türkiyəyə qaçan qardaşına göndərərək orada böyük biznes qurmasını tapşırıb.

Türkiyədə aparılan araşdırmalardan məlum olur ki, Mübariz Mehrəliyev qardaşı üçün İstanulda böyük bir restoran, bir neçə bahalı ev və şirkəti üçün 2 mərtəbəli ofis alıb. Həmin ofisdə Rafael Mehrəliyevlə Vidadi Zeynalovun şərikli turizm şirkətinin fəaliyyət göstərəcəyi ehtimal olunur. Həmçinin Azərbaycanın sərvətini talayaraq ölkədən çıxaran talançı qohumlar Bodrum və Antalya şəhərlərində torpaq sahəsi aldıqları və burada böyük bir istirahət kompleksi tikdirmək üçün işə başladıqları məlum olub. Artıq hər iki şəhərdə tikinti işlərinə başlanılıb. Bundan başqa korrupsioner azərbaycanlı məmurların İsnabulun əh bahalı rayonlarından olan Beykozda və üçüncu boğaz körpüsü yaxınlığında böyük torpaq sahələri də aldıqları məlum olub.

Bu məsələ ilə bağlı Türkiyədəki araşdırmaları davam edir. Maraqlıdır ki, son zamanlar Azərbaycandan ayrı-ayrı şəxslər tərəfindən 100 milyonlarla dollar vəsait qeyri-qanuni yolla Türkiyəyə çıxarılıb və korrupsiya nəticəsində əldə edilən bu çirkli pullar Türkiyədə sərmayəyə çevrilib. Yəni faktiki olaraq bu gün Azərbaycanda korrupsiya yolu ilə əldə edilən pullar Türkiyənin iqtisadi cəhətdən çiçəklənməsinə xidmət edir. Hesab edirik ki, həm Azərbaycan dövləti, həm də qardaş Türkiyə dövləti bu tipli təhlükəli cinayət şəbəkələrinin biznes dairələrində kök salmasına imkan verməməli, onların cinayət yolu ilə qazandıqları çirkli pulları yumalarına mane olmalıdırlar.