Müşahidə olunan dumanlı hava şəraiti hələ də davam edir
Bakı-Şamaxı-Yevlax yolunda qatı duman nəqliyyatın hərəkətində problem yaradıb. Avtosfer.az xəbər verir ki, iki gündür Qobustan və Şamaxı rayon ərazilərində müşahidə olunan dumanlı hava şəraiti hələ də davam edir. Əsasən də axşam saatlarından etibarən duman daha da çoxalıb. Qobustan, Ağsu, Muğanlı və İsmayıllı istiqaməti ilə gedən avtomobillərin hərəkətində çətinlik yaranıb. Bəzi sürücülər avtomobillərini yol kənarında saxlamalı olublar. Dumana görə qəza da olub. Hadisədə 3 nəfər xəsarət alıb.