“Azəravtoyol” ASC sədrinin birinci müavini Əvəz Qocayevin qurumda çalışanların maaşının 15%-ni mənimsədiyi iddia olunur. Bu barədə redaksiyamıza daxil olan məlumada bildirilir.

Son 10-15 ildə Azərbaycan dövlətinin ən çox sərmayə qoyduğu və vəsait ayıtdığı sahə yolların tikintisi və təmiridir. Mətbuatdan izlədiyimiz kimi, demək olar ki, hər həftə ölkə prezidenti İlham Əliyev Azərbaycanın müxtəlif bölgələrində yol çəkilməsi üçün milyonlarla manat vəsait ayırır.

Bu vəsaitlər bir qayda olaraq “Azəravtoyol” ASC-nin ixtiyarına verilir və ASC bu vəsaitlərin sərf olunmasına görə də məsuliyyət daşıyır. Prezidentin vəsait ayırdığı yollar çəkilməsinə çəkilir, lakin nə sirdisə həmin yollar bir neçə ildən, hətta bir neçə aydan sonra dağılır. Bunun isbatı üçünsə ortada kifayət qədər dəlil var. Elə ondan başlaya bilərik ki, bu gün Bakı-Quba-Rusiya avtomobil yolunun dağılması ilə bağlı “Yeni Müsavat” qəzetində ətraflı məlumat yayaılıb. Belə faktlar isə onlarla, hətta yüzlərlədir.

Yolların belə tez zamanda, daha doğrusu isə istismara verilən kimi dağılmasının isə bir səbəbi var. Yola ayrılan vəsaitlərin ayrı-yarı məmurlar tərəfindən mənimsənilməsi. Yəni Azərbaycan reallığından çıxış edərək tam dəqiqliklə söyləmək olar ki, ayrılan vəsaitin ancaq 1/3 hissəsi həmin yola sərf olunur. Yerdə qalan 2/3 hissəsi isə məmurlar üçün müxtəlif biznes obyektinə, daşınmaz əmlaka çevrilir. Təbii ki, bu daşınmaz obyektlər və biznes obyektləri məmurların yaxın qohumlarının adlarına sənədləşdirilir. Yoxsa necə olur ki, Azərbaycanda irili-xırdalı bütün məmurların qohum-qardaşı, övladları və xanımları iş adamı olur. Yəni bu gün məmur qohumu olmayan iş adamını tapmaq, samanlıqda iynə axtarmaq qədər çətindir.

Azərbaycan yollarına ayrılan dövlət vəsaitləri üzərində özünə topdağıtmaz biznes imperiyasına və saysız mülklərə sahib olan oliqarx yol məmurlarından biri də “Azəravtoyol”ASC sədrinin birinci müavini Əvəz Qocayevdir. Əldə etdiyimiz məlumata görə Saleh Məmmədovun birinci müavini hər ay dövlət büdcəsindən bir neçə yüz min manat gəlir əldə edir. (Saleh Məmmədovun özünün nə qədər gəlir əldə etməsini isə bir Allah bilir). Lakin Əvəz Qocayev haqqında MilliYol-a daxil bir məlumat bizi doğurdan çaşdırdı. Bir neçə yerdən dəqiqləşdirmə apardıq və məlum oldu ki, iddialar həqiqəti əks etdirir.

Əldıə etdiyimiz məlumata görə “Azəravtoyol” ASC-nin işçilərinin hər ay maaaşlarının 15%-i qeyri-qanuni olaraq tutulur. Redaksiyamıza rayonların birindən daxil olan şikayətdə bildirilirdi ki, Yol İstismar İdarələrin işçilərinin maaşından hər ay 15% faiz tutulur. İdarə müdiri isə bunu belə əsaslandırır ki, pulu ASC sədrinin birinci müavini Əvəz Qocayevin tapşırığına əsasən tutur. Araşdırmamaız zamanı məlum oldu ki, demək olar ki, bu vəziyyət bütün ölkə üzrə belədir.

Əldə etdiyimiz məlumata görə Əvəz Qocayev bütün idarə müdirlərindən tələb edir ki, işçilərin maaşlarından 15% tutub nəqd şəkildə ona versinlər. Buna etiraz edənləri isə ASC sədrinin birinci müavini ştataların ləğv olunması, ixtisarlarla və maaşların azaldılması ilə təhdid edir. Yəni görə “Azəravtoyol” ASC sədrinin birinci müavini vəzifə açıq aşkar səlahiyyətlərindən qanunsuz şəkildə sui-istifadə edir və bu zaman qarşı tərəfə seçim etmək imkanı belə tanımır. Çünki Əvəz Qocayevin təklifini rədd eləmək elə həmin təklif qədər, bəlkə də daha çox ziyana düşmək anlamına gəlir. Yəqin ki, məşhur filmdə deyildiyi kimi, “geri çevriləməyəcək təklif” elə belə olur.

Qeyd edək ki, mətbuatda Əvəz Qocayevin mal və sərvətinin bir hissəsi dərc olunub. Həmin məlumatlardan da görünür ki, Əvəz Qocayev aldığı maaşla həmin mal və sərvətin 10%-ni belə 100 ilə əldə edə bilməz. O zaman Əvəz Qocayevin bu sərvəti hardandır? Mənbəyini açıqlaya bilərmi? İşçilərinin maaşlarından tutduğu 15% faiz olmasın? Ya da istismara verilən kimi dağılan yollar?

Qeyd etdiyimiz məlumatlara istinadən Əvəz Qocayevə məxsus əmlakların kiçik bir hissəsini oxucularımıza təqdim edirik:

Binəqədi rayonu Cəfər Xəndan küçəsi 28, mənzil 23 ünvanında sahəsi 155 kv.m olan 4 otaqlı mənzil;

“Oba” MTK-da sahəsi 120 kv.m olan “NN” Gözəllik salonu, həmin salonun içinə 70000 manat dəyərində avadanlıq;

“Oba” MTK-da sahəsi 180 kv.m olan 4 otaqlı mənzil,Varovski qəsəbəsində 6 sot torpağın icində 3 mərtəbə villa;

“Star-M” MTK-da ümumi sahəsi 320 kv.m olan 7 otaqlı iki mənzil;

“Real” MTK-da 4 otaqlı sahəsi 185 kv.m olan mənzil;

“Yeni Həyat” MTK Port Bakunun üstündə sahəsi 130 kv.m olan 3 otaqlı mənzil;

Novxanıda bağ evi, (evin əşyaları 250000 manat);

Novxanıda bağ evi, (evin əşyaları 400000 manat)dəyərində;

“Real” MTK-də 380 kv.m olan ofis (ofisin içinə alınmış avadanlıq 60000 manat);

“S klass -20R Mersedes” markalı, 10-RX-050 dövlət qeydiyyat nişanlı avtomaşın və “Karavella Volsvagen” markalı, 90-NN-400 dövlət qeydiyyat nişanlı avtomaşın…

Bir daha qeyd edirik ki, söyləntilərə görə bütün bunlar Əvəz Qocayevin sərvətinin ancaq cüzi hissəsidir.(Milliyol.az)

Qarşı tərəfin mövqeyini dərc eləməyə hazırıq.

P.S. Bu məsələdə bizi maraqlandıran isə “Azəravtoyol” ASC sədri Saleh Məmmədovun birinci müavinin bu məsələdən xəbərdar olub-olmamasıdır. Açığı buna cəhd etsək də heç bir nəticəyə nail ola bilmədik…