Gürcüstanın paytaxtı Tbilisidən Azərbaycanla sərhəddə yerləşən "Qırmızı körpü” sərhəd-keçid məntəqəsinə qədər olan avtomobil yolunda "ağıllı kameralar” quraşdırılıb.
AzBaku.org "Report”a istinadla xəbər verir ki, bu barədə Gürcüstanın Daxili İşlər Nazirliyi məlumat yayıb.
Sürət həddini müəyyən edən "smart kameralar” Kvemo Kartli (Borçalı) bölgəsində 4 lokasiyada yerləşdirilib.
Qeyd edək ki, "ağıllı kameralar” avtomobilin müəyyən olunan sürət həddini aşmasını avtomatik müəyyən edir və videocərimə tətbiq edir.
