Türkiyədə güclü qasırğa: Xəsarət alanlar var

Türkiyənin Antalya əyalətinə baş verən güclü qasırğa nəticəsində ən azı 38 nəfər xəsarət alıb.

Bu barədə Oxu.Az Türkiyə KİV-ə istinadən xəbər verir.

Məlumata əsasən, xəsarət alanlardan üçünün vəziyyəti ağırdır.

Qasırğa Antalyanın daha çox Finikə, Kaş, Dəmrə, Qumluca və Kəmər rayonlarına zərər vurub. Güclü külək evlərin damını yerindən çıxarıb, ağacları sındırıb, binaların divarını dağıdıb. İri dolu və leysan yağışları kənd təsərrüfatına ciddi ziyan vurub.